“Тереләрҙең ҡәҙерен бел, үлгәндәрҙең ҡәберен бел”

Көрмәнкәй ауыл Советының Дүртөйлө ауылында тыуып үҫкән апалы-һеңлеле Зөлфиә һәм Фатиха Муллабаевалар ауыл зыяратының ҡапҡаһына “Тереләрҙең ҡәҙерен бел, үлгәндәрҙең ҡәберен бел” тигән яҙыу ҡуйҙырыу тураһында күптән уйлаша. Ошо көндәрҙә улар изге ниәттәрен тормошҡа ашырҙы.

Хәҙер баҡыйлыҡҡа күскән яҡындарының, туғандарының, таныштарының, дуҫтарының һуңғы төйәгенә килгән һәр кем алыҫтан уҡ тәрән мәғәнә һалынған ошо яҙыуҙы уҡый ала.