Һандар күрһәтә

Иҫегеҙгә төшөрәбеҙ, Рәсәй Президенты В.В. Путин тарафынан 2024 йылға тиклем илде үҫтереүҙең төп йүнәлештәре буйынса 12 проект ҡабул ителгәйне. Президент был үҙгәрештәрҙе ҡалал, ҡасабала, ауылда йәшәүсе һәр кеше асыҡ күрергә тейешлеген билдәләне.

Мәҫәлән, 2024 йылға 1200-ҙән ашыу мәктәп, колледж һәм лицей, 2060-тан ашыу фельдшер-акушерлыҡ пункты, 208-гә яҡын биләмә хакимиәте киң күләмле интернетҡа тоташтырыласаҡ. Был “Һанлы иҡтисад” милли проектына бүленгән аҡсалар (600 миллион һум) ярҙамында мөмкин буласаҡ.

- Был бик перспективалы йүнәлеш, - тип билдәләне БР Хөкүмәте Аппараты етәксеһе премьер-министры урынбаҫары вазифаһын башҡарыусы Илшат Тажетдинов.

Бөтә милли проекттар үҙ-ара бәйләнгән. Яҡындағы алты йылға планлаштырылған ҙур эштең маҡсаты – рәсәйлеләрҙең йәшәү шарттарын яҡшыртыу. Был маҡсатҡа мотлаҡ өлгәшеләсәк.