Республикаға һыуыҡ килде. Өфөлә +11°

Башҡортостанға вәғәҙә ителгән һыуыҡ килде. Хәҙер республиканың баш ҡалаһында һауа температураһы +11° тәшкил итә.

Башгидромет фаразы буйынса, бөгөн республикала бер аҙ ямғыр яуыуы көтөлә. Ел көнбайыштан, талғын. Һауа температураһы көндөҙ +13, +18, көньяҡ-көнсығыш буйынса +23 градус.

Иртәгә, 31 июлдә, бер аҙ, көньяҡ буйынса уртаса ямғыр яуыуы, йәшен булыуы көтөлә. Ел көнбайыштан, көньяҡ-көнбайыштан талғын, көндөҙ көсәйеүсән. Һауа температураһы төндә +5, +10 градус, урыны менән ҡырау төшә, аяҙытҡанда һауала һәм ер өҫтөндә 0 градус, көндөҙ + 17, +22, көньяҡ-көнсығыш буйынса + 27 градус.