Һауа температураһы

Башҡортостан гидрометеорология һәм тирә-яҡ мөхит мониторингы идаралығы мәғлүмәттәренә ҡарағанда, 20 августа айырым биләмәләрҙә ҡыҫҡа ваҡытлы ямғыр яуыуы көтөлә. Ел көньяҡ-көсығыштан, яуым-төшөм ваҡытында көсәйеүсән. Һауа температураһы төндә 14-19, көндөҙ 23-28, көньяҡ биләмәләрҙә 32 градусҡа тиклем йылы була.

21 августа урыны менән йәшенле ямғыр яуыуы ихтимал. Ел көньяҡтан талғын, йәшен ваҡытында көсәйеүсән. Һауа температураһы төндә 14-19, көндөҙ 21-26, көньяҡ райондарҙа 30 градусҡа тиклем йылы булыуы күҙаллана.