Һауа торошо насарая

Ғәҙәттән тыш хәлдәр министрлығы республика халҡын көслө ел сығыуы тураһында иҫкәртә. Бөгөн һәм иртәгә Башҡортостанда елдең тиҙлеге секундына 15-20 метрға тиклем етеүе ихтимал.

Көслө ел ваҡытында артыҡ тышҡа сыҡмау хәйерле. Урамда ҡалған осраҡта, бейек конструкцияларға яҡын тороу кәңәш ителмәй. Янғындан һаҡ булырға кәрәк, ти белгестәр. Ғәҙәттән тыш хәлдәрҙә Берҙәм ҡотҡарыу хеҙмәтенә шылтыратырға кәрәк. Телефоны: 112.