Башҡортостанда водителдәргә яңы код менән дәүләт номерҙары бирә башланылар

Башҡортостанда Дәүләт автоинспекцияһының ҡайһы бер теркәү бүлексәләрендә төбәктең яңы коды (702) менән дәүләт номерҙары бирә башланылар. Был хаҡта республика ведомствоһы башлығы Динар Ғилметдинов «Фейсбук»тағы үҙенең сәхифәһендә хәбәр итте.

«Был планға ярашлы башҡарылды, сөнки элекке 102-се серия бөтөп килә. Тиҙҙән республиканың барлыҡ теркәү бүлексәләрендә яңы код менән дәүләт номерҙары бирелә башлай», — тип асыҡлыҡ индерҙе Башҡортостан Республикаһының баш автоинспекторы.