Баш ҡала Советына берҙәм рәсәйҙәр һайланды

Өфөнөң һайлау комиссияһы Берҙәм тауыш биреү көнө йомғаҡтары буйынса ҡала Советына өҫтәмә һайлау һөҙөмтәләрен баҫтырып сығарҙы. 8-се бер мандатлы һайлау округы буйынса «Берҙәм Рәсәй»ҙән Артур Хромец — төҙөлөш буйынса элекке вице-мэр, «ГенСтройТрест» яуаплылығы сикләнгән йәмғиәтенең генераль директоры — еңде. Ул 33% ашыу тауыш йыйҙы.

14-се округта, 53% тауыш йыйып, шулай уҡ «Берҙәм Рәсәй»ҙән Эдуард Остапчук — төҙөлөш бизнесы хужаһы, «Компания Потенциал» яуаплылығы сикләнгән йәмғиәтен ойоштороусы — еңеү яуланы.

Яңы депутаттарға мандаттар 11 сентябрҙә ҡала Советының 44-се ултырышында тапшырыла.