Хөкүмәттә үткән "Мәғариф сәғәте"ндә мөһим мәсьәләләр күтәрелде

Инвалид балаларҙың ата-әсәләре ҡайһы бер мәктәптәрҙә шәкәр диабеты менән ауырыған, насар ишеткән һәм күргән балаларҙы бушлай ашатыуҙан баш тартыуға зарланған. Балаларҙан медицина комиссияһы үтеү тураһында документ талап иткәндәр. Был мәсьәлә хөкүмәттә "Мәғариф сәғәте" кәңәшмәһендә күтәрелде. Республика етәксеһе Радий Хәбиров ғәйеплеләрҙе асыҡларға, тейешле саралар күрергә ҡушты.

Республика етәксеһе Радий Хәбиров ата-әсәләрҙән балаларҙы ашатыуға бәйле тағы бер ялыу булһа мәғариф министры шәхсән яуап бирәсәк тине.