Дәүләкәндә гүзәл заттар байрамына Рәсәйҙең халыҡ артисы Лариса Голубкина килде

Кино йондоҙо үҙенең уңыш сере менән уртаҡлашты. Әсәйҙәр, өләсәйҙәр, йәш һылыуҙар форум сиктәрендә төрлө оҫталыҡ дәрестәрендә һәм тренингтарҙа ҡатнашты. Сара барышында улар йорт мәшәҡәттәренән арынып белемдәрен камиллаштырҙы, матурлыҡ серҙәренә төшөндө.

Шулай уҡ "Ал таҫма" акцияһы сиктәрендә ҡатын-ҡыҙҙар онкологтар тарафынан һөт биҙҙәре яман шеше хаҡында тулы мәғлүмәт алды, сирҙе ваҡытында асыҡлау һәм кәрәкле ярҙам күрһәтеү тәжрибәһе менән танышты.