Шаярырға яратыусылар “02” телефоны буйынса бәйләнешкә сығып, бомба һалыныуы тураһында хәбәр иткән. Ашығыс медицина хеҙмәтен йәки ҡотҡарыусыларҙы саҡыртҡан. Һуңынан полиция хеҙмәткәрҙәренең, табиптарҙың нимә эшләүен күҙәтеп торған.
Быйыл 9 айҙа 270 кеше махсус хеҙмәттәргә ялған хәбәр еткергән. Суд приставтары уларға 300 мең һумға яҡын штраф һалған. Алдашырға яратыусыларға бер мең-мең ярым һум яза ҡарала.
16 йәше тулғандарға штраф һалына. Ә бәлиғ булмағандарҙың ата-әсәләре административ яуапҡа тарттырыла.