Ял көндәрендә республикала 15 градусҡаса һалҡынайта

Республика синоптиктары алдағы өс көнгә һауа торошон хәбәр итте.

Башгидромет мәғлүмәттәре буйынса, 1 ноябрҙә болотло һауа торошо, бер аҙ ҡар, юлдарҙа боҙлауыҡ көтөлә. Ел төньяҡ-көнбайыштан, көнбайыштан талғын.

Һауа температураһы көндөҙ — минус 1-6 градус.

2 ноябрҙә синоптиктар урыны менән бер аҙ ҡар, юлдарҙың айырым участкаларында боҙлауыҡ фаразлай. Ел көньяҡ-көнбайыштан, көнбайыштан талғын.

Һауа температураһы төндә — 4-9, аяҙытҡанда 15 градусҡаса һалҡын. Көндөҙ — 0-дән минус 5-кә тиклем.

3 ноябрҙә республикала йәнә урыны менән бер аҙ ҡар, юлдарҙың айырым участкаларында боҙлауыҡ көтөлә. Ел көньяҡ-көнбайыштан, көнбайыштан талғын.

Һауа температураһы ла үҙгәрмәй: төндә — 4-9, аяҙытҡанда 15 градусҡаса һалҡын. Көндөҙ— 0-дән минус 5-кә тиклем.

«Башинформ» агентлығы хәбәр иткәнсә, көҙҙөң һуңғы айында Рәсәй биләмәһендә температура нормаға ярашлы йәки юғарыраҡ, ә яуым-төшөм режимы ғәҙәтигә яҡын була.

Уҙған йылдар мәғлүмәттәренә ярашлы, республикала ҡар, ғәҙәттә, 7-10 ноябрҙә ята.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1