ЮХХДИ-ның техника паркы яңы патруль машиналары менән тулыланды

Автомобиль асҡыстарын тапшырыу тантанаһы Башҡортостандың 100 йыллығы һәм полиция хеҙмәткәрҙәренең һөнәри байрамы уңайынан ойошторолдо.

Автомобиль асҡыстарын тапшырыу тантанаһы Башҡортостандың 100 йыллығы һәм полиция хеҙмәткәрҙәренең һөнәри байрамы уңайынан ойошторолдо.

Сарала Республика буйынса эске эштәр минисры Роман Деев менән Юл хәрәкәте хәүефһеҙлеге дәүләт инспекцияһы идаралығы етәксеһе Динар Ғилметдинов ҡатнашты.

Республикаға 32 «Шкода Октавиа» автомобиле «Юл хәрәкәте хәүефһеҙлеге» федераль проектын ғәмәлгә ашырыу барышында алынды. Улар заманса радиостанция, планшет, сигнал ҡоролмалары һәм тәүге медицина ярҙамы күрһәтеү комплекттары менән йыһазландырылған. Талап барлыҡ мәғлүмәт базаларына тоташтырылған.

Динар Ғилметдинов, Юххди идаралығы етәксеһе: “Барлыҡ автомобилдәргә лә «Патруль» системаһы ҡуйылған. Машиналағы видеотеркәү ҡоролмаһын береһе лә һүндерә алмай. Элек акумулятор ултырғанда йәки башҡа сәбәп менән яҙманы туҡтатып тороп була торғайны. Хәҙер юҡ, система тулыһынса автоном ҡоролма. Бынан тыш элек мәғлүмәтте 1 ай самаһы серверҙа ғына һаҡлап булһа, хәҙер улар автомобилдәге системала 2 ай һаҡлана”.

Читайте нас: