Белорет – Әүжән трассаһында күп итеп ҡар яуған, ағастар ҡолаған

Автоһәүәҫкәрҙәр стихия эҙемтәләренең видеоһын социаль селтәргә һала.

Белорет – Әүжән трассаһында күп итеп ҡар яуған, ағастар ҡолаған. Автоһәүәҫкәрҙәр стихия эҙемтәләренең видеоһын социаль селтәргә һала.

Юл хеҙмәттәре эшселәре юлды асыу өсөн ағастарҙы бензобысҡы менән бысып йыҡҡан.

Быны күргәндәр, ағастар епшек ҡарҙы күтәрә алмайынса ауған, тигән фекерҙә.

«53 йыл йәшәп, бындай мөғжизәне күргәнем юҡ ине. Ҡот осҡос», — ти автомобиль пассажиры.

10 ноябрҙә ошо урында ныҡ итеп ҡар яуған.

Башҡортостан Юл хужалығы идаралығының матбуғат секретары Альбина Ғилмийәнова хәбәр итеүенсә, Стәрлетамаҡ — Белорет — Магнитогорск трассаһында, ысынлап та, уңайһыҙлыҡтар булған.

Әлеге ваҡытта алты кеше эҙемтәләрҙе бөтөрөү өҫтөндә эшләй, ауған ағастарҙы Белорет районы хакимиәте менән килешеп ситкә сығаралар. Тәүлек әйләнәһенә дежурлыҡ ойошторолған.

12 ноябргә төш ваҡытына алынған мәғлүмәттәргә ярашлы, трассала юл асыҡ.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1