Бәләкәстәргә бында рәхәт!

«Демография» милли проектын тормошҡа ашырыу сиктәрендә район мәктәптәре ҡарамағында асылған мәктәпкәсә йәш төркөмдәренә сабыйҙар рәхәтләнеп йөрөй.

Тәрбиәселәр бәләкәстәргә күңелле булһын өсөн бар тырышлығын һала. Улар бында күмәкләп уйнай, әкиәттәр тыңлай, саф һауала йөрөй, иң мөһиме – ата-әсәләрҙең сабыйҙары өсөн күңеле тыныс.

Өҫтәүенә ошондай мәктәпкәсә төркөмдәргә йөрөгән балалар беренсе синыфҡа әҙерлек менән килә, мәктәп тормошона тиҙ күнегеп китә. Ауыл ерендә йәшәгән һәм төрлө учреждениеларҙа хеҙмәт һалған ата-әсәләр милли проекттарҙың халыҡ файҙаһына эшләүенә үҙ миҫалында күрә.