Өфө халҡы наркология диспансерҙарын штурмлай

Бындай хәл справкаларға хаҡ күтәрелеү менән бәйле. Кешеләр водитель таныҡлығы алыу өсөн тиҙ арала медицина тикшерелеүе үтеп ҡалырға ашыға.

Бөгөн справкалар 720 һум тора. Иртәгәнән был хеҙмәт өсөн 7 мең һум самаһы аҡса түләргә тура килә. “Яңы төр анализдар тапшырыу талабы ҡуйылған. Хаҡтар артыуы шуның менән аңлатыла”, - ти клиник-диагностика лабораторияһы мөдире Елена Ғәлиева.

Рәсәйҙең башҡа ҡалаларында ла наркология диспансерҙарына ҙур сират күҙәтелә, тип хәбәр итә үҙәк мәғлүмәт саралары.