Өфөлә хеҙмәт етештереүсәнлеген күтәреүгә арналған форум асылды

Ул "Хеҙмәт етештереүсәнлеге һәм мәшғүллеккә булышлыҡ итеү" милли проект сиктәрендә ойошторолдо. Өфө – бындай сара үткәргән федераль майҙансыҡтарҙың беренсеһе. Башҡортостан тәүге булып теләк белдерҙе, тине Рәсәй иҡтисади үҫеш министры урынбаҫары Петр Засельский.

Форумда ҡатнашыусылар көн дауамында төрлө командаларға бүленеп, бер-береһе менән һөнәри оҫталыҡта ярышты.

Башҡортостанда "Хеҙмәт етештереүсәнлеге һәм мәшғүллеккә булышлыҡ итеү" милли проектына 50-гә яҡын ойошма ҡушылған. Киләһе йылға ҡатнашыусылар һанын арттырыу ҡарала.