Яңы йыл каникулдарында Ғаилә уйындары ойошторола

Яңы йыл каникулдарында башланғыс кластар уҡыусылары һәм уларҙың ата-әсәләре өсөн Ғаилә уйындары ойошторола. Бәләкәстәргә күңелле старттар, 3 кластан алып мини-футбол буйынса ярыштар ҡаралған. Еңеүселәр республика кимәлендә ғинуар айында уҙасаҡ финалда ҡатнаша.

Байрамға спорт кластары тәрбиәләнеүселәре йәлеп ителә. Бөгөн бындай кластарҙа 6 меңдән ашыу уҡыусы шөғөлләнә. Был турала “Сәләмәт быуын-көслө төбәк” партия проектының йәмәғәт советы ултырышында белдерелде.