Өфөлә ихаталарҙа ташлап ҡалдырылған транспорт өсөн түләү суммалары билдәләнде

Улар махсус урындарға эвакуациялана. Алып кителгән мотоцикл өсөн хужалары - 750 һум, еңел машина өсөн 1 мең ярым һум һәм ауыр машина өсөн 3 мең һум түләргә тейеш була.

Ҡала мэры Өлфәт Мостафин ошо турала күрһәтмәгә ҡул ҡуйҙы. Махсус урында һәр тәүлек өсөн 50 һумлыҡ хаҡ ҡуйылған. Өфөлә Республика башлығы Радий Хәбиров ҡушыуы буйынса йорт биләмәләре ташландыҡ транспорттан таҙартыла. Улар коммуналь һәм башҡа хеҙмәттәр эшенә ҡамасаулай, биләмәләрҙе йәмһеҙләп тора.