Башҡортостан башлығы Мөрәжәғәтнамәне уҡығанда залды иларға мәжбүр итте

«Минең атайым алдаша» видеоролигын күрһәткәс, күбеһенең күҙҙәре йәшләнде, тип хәбәр итте «Башинформ» хәбәрсеһе.

10 декабрҙә «Торатау» конгресс-холында Радий Хәбиров беренсе тапҡыр «Минең атайым алдаша» социаль видеоролигын күрһәткәс, Башҡортостан башлығының Дәүләт Йыйылышына мөрәжәғәтнамәһен тыңларға саҡырылғандарҙың күбеһенең күҙҙәре йәшләнде, тип хәбәр итте «Башинформ» хәбәрсеһе залдан.

Был ролик – башҡорт режиссеры Айнур Асҡаровтың Азияла бик популяр булған социаль реклама видеоһына яҡын. Тәүҙә ролик Гонконгта страховка компанияһының социаль яуаплылыҡ сиктәрендә төшөрөлгән. Тәүге көндәрҙә үк уны 7 миллион кеше ҡараған.

«Башинформ» эксперттарҙың фекере менән ҡыҙыҡһынған, улар әйтеүенсә, ошо роликка һалынған идея йөҙәрләгән мең баланы ҡотҡарған да инде һәм Рәсәй өсөн яраҡлаштырылғандан һуң беҙҙең илдә лә нәҡ шулай эшләргә тейеш.

Радий Хәбиров был роликты традицион ғаилә ҡиммәттәре хаҡында һөйләгән саҡта күрһәтте.

«Беҙ агрессив, яһалма субмәҙәниәткә — уны childfree тип атайҙар — йәштәрҙе юлдан яҙҙырыуға мөмкинлек бирә алмайбыҙ. Беҙҙең юл – ныҡлы ғаиләләр, күп балалыҡ, балаларҙы изгелек, выждан, намыҫлы хеҙмәт, ғаилә һәм тоғролоҡ ҡанундарына таянып тәрбиәләү», — тине Хәбиров.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1