-22 °С
Облачно
Антитеррор
Все новости
Новости
10 Декабря 2019, 13:30

Башҡортостанда федераль юлдарҙа камералар эшләй башланы

Өс көндә 2078 материал эшкәртеүгә ебәрелә

6 декабрҙән Башҡортостандың федераль трассаларында 59 фотовидеотеркәү камераһы эшләй башланы, өс көндә 2078 материалды эшкәртеүгә ебәрҙек, тип хәбәр иттеләр Транспорт һәм юл хужалығы буйынса дәүләт комитетынан.
Баланс тәьмин итеүсенең билдәһеҙ булыуы сәбәпле сентябрь уртаһынан уларҙы өҙгәйнеләр. Уҙған йомала «Урал буйы» юл идаралығы, Транспорт һәм юл хужалығы буйынса дәүләт комитеты һәм Башҡортостан Республикаһы буйынса Эске эштәр министрлығы араһында юл камераларын файҙаланыу буйынса өс яҡлы килешеүгә ҡул ҡуйылды.
Килешеүгә ярашлы, юл идаралығы — техник хеҙмәтләндереү, метрологик оҙатыу һәм комплекстарҙың бәйләнеш каналдары өсөн түләү, Эске эштәр министрлығы — административ хоҡуҡ боҙоуҙар тураһында ҡарарҙар сығарыу, Транспорт һәм юл хужалығы буйынса дәүләт комитеты фотоматериалдарҙы эшкәртеү һәм һәм ҡарарҙарҙы почта аша ебәреү өсөн яуаплы.
Республикала бөтәһе 305 камера эшләй. Йыл аҙағына уларҙың һаны 540 берәмеккә етә. Киләһе йылда улар меңдән ашыу була. Юл хәрәкәтен боҙоусыларҙың штрафы Башҡортостандың Юл фондына килә.
Читайте нас в