Үҙәк банк төп ставканы 6,25 процентҡа тиклем түбәнәйтте

13 декабрҙә Үҙәк банк төп ставканы тағы ла 6,25 процентҡа тиклем түбәнәйтте — йыл башынан бишенсе тапҡыр. Сәбәбе — инфляцияның әкренәйеүе, 2020 йылда ул яҡынса 3,5-4 процент тәшкил итәсәк һәм артабан 4 процент тирәһендә ҡаласаҡ, тиелә көйләүсенең белдереүендә.

Үҙәк банктың ставкаһы түбәнәйгәндән һуң Рәсәй банктарының депозит һәм кредит ставкаларын түбәнәйтеүен көтөргә кәрәк. Ипотеканың уртаса ставкаһы 8 процентҡа яҡынлашыу ихтималлығы ҙур, тип иҫәпләй белгестәр.