Телеңде йоторлоҡ!

Фарсы ҡултығы шәйехтәре башҡорт балын тәмләп ҡарағас, шулай тип белдергән. Берләшкән Ғәрәп Әмирлектәренең Абу-Даби ҡалаһында халыҡ-ара күргәҙмә үткән. Унда Башҡортостан эшҡыуарҙары ла ҡатнашҡан. Улар башҡорт балы, ҡымыҙ, дөгө майы тәҡдим иткән. Король ғаиләһе ағзалары республика ризыҡтарынан ауыҙ иткән һәм бик ҡәнәғәт ҡалған.

Күргәҙмәнән һуң компаниялар Фарсы ҡултығы илдәренә башҡорт балы һәм умартасылыҡ продукцияһын һатыу хаҡында килешкән.