2019 йылдың һуңғы көнөндә электричкаларҙың йөрөү тәртибе үҙгәрә

31 декабрь шишәмбегә тура килә, был көндө электр транспорты йома графигы буйынса эшләй. 1-нән 7 ғинуарға тиклем шәмбе тәртибенә күсерелә, 8 ғинуарҙа иһә йәкшәмбе графигына иҫәп тоторға кәрәк, ти Башҡортостан ҡала яны пассажирҙар компанияһының матбуғат секретаре Сергей Спатар.

Яңы йыл төнөндә Өфөләге йәмәғәт транспортының графигы ла үҙгәрә. 31 декабрҙән 1 ғинуарға ҡарай Башавтотранс автобустары төнгө 3-кә тиклем йөрөй. Үҙгәреш ҡайһы бер маршруттарға ғына ҡағыла. Ҡала советы майҙанында салюттан һуң халыҡты таратыу өсөн дежурҙа автобустар буласаҡ.