Башҡортостанда табиптарҙың күсмә бригадалары эше дауам ителә

Яңы йылда Башҡортостанда табиптарҙың күсмә бригадаларының ҡалалар һәм райондар буйлап эше дауам ителә. Республика Һаулыҡ һаҡлау министрлығының матбуғат хеҙмәте мәғлүмәте буйынса, ойоштороу-методик һәм консультация ярҙамы күрһәтеү өсөн бригадаларҙа нейрохирург, акушер-гинеколог, уролог, колопроктолог, гинеколог-репродуктолог, гастроэнтеролог, пульмонолог, оториноларинголог, шулай уҡ өлкәндәр һәм балалар кардиологы, невролог, эндокринолог, офтальмолог эшләй.

Бөгөнгә 2020 йылда бригадаларҙың түбәндәге эш графигы раҫланған:

— 13-17 ғинуарҙа Октябрьскийҙың 1-се ҡала дауаханаһында;

— 19-25 ғинуарҙа Сибай ҡалаһында;

— 27-31 ғинуарҙа Салауат ҡалаһында;

— 3-7 февралдә Стәрлетамаҡтың 1-се клиник дауаханаһында;

— 10-14 февралдә Нефтекама ҡалаһында;

— 17 -21 февралдә Ағиҙел ҡалаһында;

— 23-29 февралдә Туймазы районында;

— 1-7 мартта Учалы районында;

— 9-13 мартта Яңауыл районында;

— 16-20 мартта Дәүләкән районында;

— 23-27 мартта Благовещен районында.