Өфөлә экологик акция үтә

Ҡалала йәшәүселәр йорттарындағы шыршыларҙы махсус ҡабул итеү пункттарына тапшыра ала. "Акция йыл һайын уҙғарыла. Уның төп маҡсаты - ҡала халҡының иғтибарын ҡалдыҡтарҙы айырым йыйыу проблемаһына йәлеп итеү, шыршыларҙы икенсел сеймал сифатында ҡулланыу мөмкинлектәрен асыу", - ти ҡала хакимиәтенең матбуғат хеҙмәте етәксеһе Марсель Байдәүләтов.

18 ғинуарҙа баш ҡаланың “Аркада” һәм “Купец” сауҙа үҙәктәре янында Яңы йыл ҡупшыҡайҙарын үтилләштереү буйынса өҫтәмә нөктәләр асыла. Был акция "Экология" милли проекты сиктәрендә башҡарыла.