Башҡортостанда һабантуйҙарҙа һәм яңы йыл каникулдарында «ҡоро закон» һаҡлана

Халыҡ быны һәйбәт ҡабул итте

Башҡортостан Башлығы Радий Хәбиров яңы йыл каникулдарында хәмер һатыуҙы ваҡытлыса тыйыуҙың йомғаҡтарын ыңғай баһаланы һәм бындай тәжрибә дауам ителер тип белдерҙе.

Хәтерегеҙгә төшөрәбеҙ, 3 ғинуарҙа магазиндарҙа иҫерткес эсемлектәр, шул иҫәптән һыра һатыу тыйылды. Бынан тыш, 4, 5 һәм 6 ғинуарҙа ла алкоголь һатыу сикләнде.

«Беҙ быйыл тәүге тапҡыр хәмер һатыуҙы сикләнек. Дөрөҫ эшләйбеҙме, юҡмы икәнен тормош үҙе хәл итер, ләкин кем бер нәмә лә эшләмәй, шул ғына яңылыша. Беҙгә алкоголь һатыуҙы туҡтатып торорға кәрәк ине тип иҫәпләйем, — тип белдерҙе Радий Хәбиров республика хөкүмәтендәге оператив кәңәшмәлә. — Алда беҙҙе яҙ һәм йәй көтә. Йәйгеһен һабантуйҙарҙа хәмер һатыуҙы ҡәтғи тыябыҙ, закон бар. Халыҡ быны һәйбәт ҡабул итте тигән фекерҙәмен».

Республика етәксеһе билдәләүенсә, яңы йыл каникулдарында «халыҡты өҫтәл артынан торғоҙоу»ға йүнәлтелгән бик күп саралар ойошторолдо.

«Беҙ шулай булһын тип теләгәйнек, барыһы ла килеп сыҡты. Мин дә ошондай сараларҙа ҡатнаштым», – тип өҫтәне ул.

Хөкүмәттәге кәңәшмәлә хәбәр итеүҙәренсә, быйыл 320 мең самаһы кеше ғаилә өсөн яңы йыл уйындарында ҡатнашты.

Радий Хәбиров фекеренсә, бөтә ғаилә ағзалары ҡатнашҡан яңы йыл уйындарын үткәреү – дөрөҫ ҡарар. Шуға күрә уларҙы киләсәктә лә уҙғарыу күҙаллана.

Башҡортостан башлығы муниципалитеттарға күркәм шыршылар, матур итеп биҙәлгән боҙ ҡаласыҡтары, «халыҡ ҡыуанһын» өсөн байтаҡ эштәр башҡарған өсөн рәхмәт әйтте. Шулай уҡ яңы йыл каникулдарында тәртип һаҡлауҙа ҡатнашҡандарҙың барыһына ла рәхмәт белдерҙе.

«Башҡортостанда яңы йыл байрамдары һәйбәт үтте тип иҫәпләрбеҙ. Бер ниндәй ҙә етди ғәҙәттән тыш хәлдәр булманы», — тип йомғаҡ яһаны республика башлығы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1