Күп ҡатлы йорттарға капиталь ремонт хаҡы үҙгәрҙе

Башҡортостанда 1 ғинуарҙан күп ҡатлы йорттарҙағы дөйөм мөлкәткә капиталь ремонт хаҡы үҙгәрҙе: алты ҡатҡа тиклемге йорттар өсөн квадрат метрына 6 һум 90 тин, алты ҡаттан бейегерәк булғандарына 7 ярым һум алына. Был тариф республика Хөкүмәте ҡарары менән билдәләнде.

“Республика төбәк операторы” фонды белдереүенсә, капиталь ремонт өсөн иғәнә ошо фонд ойошторолғандан алып бер ҡасан дә үҙгәрмәгән - илдә иң арзан хаҡтарҙың береһе булып тора.

Рәсәй Хөкүмәте ҡарарына ярашлы, торлаҡ-коммуналь хужалыҡ хеҙмәтләндереүе өсөн түләү ғаиләнең дөйөм килеменең 11 процентынан артыҡ булырға тейеш түгел.