-28 °С
Ясно
Антитеррор
Все новости
Новости
23 Января 2020, 21:25

Ҡытайға барыуҙы кисектереп тороғоҙ!

Йоғошло ауырыу һауа юлы аша күсә.

Ҡулланыусылар хоҡуҡтарын яҡлау буйынса федераль хеҙмәттең Башҡортостан идаралығы Ҡытайға барыуҙы кисектереп торорға тәҡдим итә. Унда билдәһеҙ коронавирус таралған. Һуңғы мәғлүмәттәр буйынса, илдә 600-гә яҡын кеше ошо инфекция менән зарарланған, 17 кеше үлгән. Белгестәр әйтеүенсә, йоғошло ауырыу һауа юлы аша бер кешенән икенсеһенә күсә.
Коронавирус таралыу сәбәпле Өфө халыҡ-ара аэропортында санитар-карантин контроле көсәйтелгән. “Бөтә халыҡ-ара рейстарҙы тикшерәбеҙ. Ҡытайҙан килгән самолет пассажирҙары айырыуса иғтибар үҙәгендә. Сәфәрҙән ҡайтыусылар ауыр хәлдә булһа, улар дауаханаға оҙатыла”, - тип белдерҙе Ҡулланыусылар хоҡуҡтарынын яҡлау буйынса федераль хеҙмәттең Башҡортостан идаралығы матбуғат секретары Анастасия Күсемова.
Читайте нас в