Зарарлы ҡалдыҡтарҙы кем эшкәртәсәк?

Республикала йыл һайын 120 тоннаға тиклем 1-се һәм 2-се класлы хәүефкә ҡараған ҡалдыҡтар йыйыла. Терегөмөшлө лампалар һәм батарейкаларҙы йыйыу менән шөғөлләнеүсе “РосРАО” предприятиеһы ошондай ҡалдыҡтар менән эшләүсе берҙән-бер федераль оператор итеп тәғәйенләнде.

Көнкүреш ҡалдыҡтары менән эш итеүсе ойошма Башҡортостан менән килешеү төҙөргә йыйына. Терегөмөшлө лампалар, батарейкалар, аккумуляторҙарҙы йыйыусы һәм үтилләштереүсе майҙансыҡ Өфөлә урынлаша. Әлегә уның урыны билдәләнмәгән.