Ауылға һатырға алып ҡайтып барған

Етештереүсеһе билдәһеҙ спиртлы эсемлекте “бизнесмен” ауылда һатҡан

Учалы районында хоҡуҡ һаҡлау органдары хеҙмәткәрҙәре ЮХДДИ инспекторҙары менән берлектә "Лада Ларгус" автомобилендә китеп барған 54 йәшлек ирҙе туҡтатҡан.

Тикшереү барышында машинала 30 шешә спиртлы эсемлек табылған. Асыҡланыуынса, уның етештереүсеһе билдәһеҙ, ә был урындағы “бизнесмен” уны ауылда һатыу өсөн алып ҡайтып барған. Хоҡуҡ һаҡлау органдары хеҙмәткәрҙәре спиртлы эсемлектәрҙе экспертизаға оҙатҡан.

Закон боҙоусыны административ яуаплылыҡҡа тарттырыу мәсьәләһе хәл ителә.

Әлеге ваҡытта алкоголле эсемлектәр менән законһыҙ сауҙа итеүҙе асыҡлау буйынса ойошторолған рейдтар тотош республика буйынса бара. Мәҫәлән, Стәрлетамаҡта 61 йәшлек ханымдың легаль булмаған эсемлекте фатирынан һатыуы асыҡланған. Баҡһаң, пенсионер быға тиклем дә ошондай уҡ ғәмәле өсөн административ яуаплылыҡҡа тарттырылған булған. Күрәһең, һығымта яһамаған: был юлы ла хоҡуҡ боҙоуға барған. Хәҙер уға ҡаршы енәйәт эше асыласаҡ, ҡатын закон алдында яуап тотасаҡ.

Фото: static.mvd.ru

Автор: Гүзәлиә Балтабаева

Башҡортостан гәзите

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1