Иҫке Көрмәнкәйҙә Ауылпиадаһы үтте!

Был сара "Сәләмәт тормош яҡлыбыҙ" девизы аҫтында үтте

Алдан хәбәр итеүебеҙсә, Бөтә донъя башҡорттары ҡоролтайы тарафынан ойошторолған "Айыҡ ауыл" республика конкурсының район этабында Иҫке Көрмәнкәй ауылы еңеп сыҡҡайны. Бөгөн унда сараның икенсе этабы булды.

Байрамды асып, Дәүләкән районы хакимиәте башлығы Илгиз Мөхәмәтйәнов былай тине: "Беҙҙә был сара "Сәләмәт тормош яҡлыбыҙ" девизы аҫтында үтә. Шуға күрә лә уға 16 ауыл хакимиәте лә йәлеп ителгән, һәр береһенең командаһы бер нисә ярышта ҡатнаша. Барығыҙҙы ла байрам менән!"

Район башҡорттары ҡоролтайы етәксеһе Ғәрифулла Ҡотлоғәлләмов та байрамда ҡатнашыусыларҙы ихлас тәбрикләне. Көрмәнкәй ауыл биләмәһе башлығы Дамир Дәүләтов сараға килгән башҡа ауыл хакимиәттәренә рәхмәт әйтте, еңеп сығыуҙарын теләне.

Иҫке Көрмәнкәйҙә ҡышҡы һабантуй кеүек олимпиада. Халыҡ әүҙем ҡатнашты. Бер урында саңғы ярыштары барһа, икенсе яҡта хоккей уйнанылар. Өсөнсөлә – биатлон, дүртенсе урында тюбинг-саналарҙа ярыш.

Тирә-яҡҡа йәм биреп, самауырҙар борҡоп ҡайнап ултырҙы.

Автор фотоһы.

Автор: Лариса Абдуллина

Башҡортостан гәзите

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1