Түләүҙәр тәртибе үҙгәрә

1 июлдән әсәлек, балалар пособиелары, сырхаған ваҡыттағы түләүҙәр физик шәхестең иҫәбенә туранан-тура күсерелә башлай. Әлегәсә иң тәүҙә эш биреүсе эшсеһенә түләй, ә социаль страховкалау фонды уны һуңынан кире ҡайтара ине.

Бала тыуған өсөн бер тапҡыр түләнә торған пособие, эш урынында зыян күргәндәргә, балаға 1 йәш ярым тулғансы түләнгән аҡсалар барыһы ла социаль страховкалау фондынан күсерелә. Белгестәр әйтеүенсә, түләүҙәрҙең туранан-тура башҡарылыуы тәү сиратта граждандар өсөн уңайлы була.