Боҙлауыҡҡа ҡаршы көрәш

Баш ҡалала йәшәүселәр тротуар һәм йәйәүлеләрҙең юл аша сығыу урындары тайғаҡ булыуға зарлана. Ҡом бик аҙ һибелә. Светофор янындағы юл өлөштәре айырыуса хәүефле, ти улар.

Баш ҡала хакимиәтенән белдереүҙәренсә, торлаҡ-коммуналь хужалыҡтарға был мәсьәләне контролгә алыу ҡушылған. Хәүефле урындарға тоҙ һәм ҡом ҡушылмаһы һибеләсәк, ҡар таҙартыуға бар көстәр йүнәлтелә, мөмкинлек булған урындарҙа махсус техника ҡулланыла. Йорт ҡыйыҡтарындағы боҙбармаҡтар тураһында 112 дөйөм телефоны буйынса хәбәр итергә була.