Башҡорт тарихи-мәҙәни үҙәктәре буласаҡ

«Башинформ» мәғлүмәт агентлығы хәбәр итеүенсә, Рәсәй Федерацияһының башҡорт халҡы күпләп йәшәгән субъекттарында башҡорт тарихи-мәҙәни үҙәктәре булдырыласаҡ. Республика Башлығы Радий Хәбиров ошо хаҡта ҡарарға ҡул ҡуйҙы.

Курган, Ырымбур, Свердловск, Силәбе өлкәләрендә, Пермь крайында, Татарстан Республикаһында, Ханты-Манси автономлы округы – Юграла шундай үҙәктәр барлыҡҡа киләсәк. Улар Башҡортостан Республикаһы Халыҡтар дуҫлығы йорто филиалдары исемлегенә индерелә.