-14 °С
Ҡар
Антитеррор
Бөтә яңылыҡтар
Новости
13 Март 2020, 12:20

Һауа торошо боҙола

Ҡар ҡатыш ямғыр

Аҙна аҙағына Башҡортостанда һауа шарттары боҙола, тип иҫкәртә республика синоптиктары.
Башгидромет мәғлүмәттәре буйынса, бөгөн республикала көн болотло була. Көндөҙ бер аҙ ямғыр яуа. Ел көньяҡ-көнбайыштан, тиҙлеге секундына 9-14 метр, иртән һәм көндөҙ урыны менән секундына 17-22 метрға тиклем.
Һауа температураһы көндөҙ — 1-6 градус йылы.
Шәмбе, 14 мартта, төндә бер аҙ ҡар ҡатыш ямғыр көтөлә. Көндөҙ урыны менән бер аҙ ҡар ҡатыш ямғыр. Айырым райондарҙа боҙлауыҡ, юлдар тайғаҡ. Ел көньяҡ-көнбайыштан, көнбайыштан талғын, урыны менән көсәйеүсән.
Һауа температураһы төндә — минус 2-нән плюс 3-кә тиклем, көндөҙ — плюс 2-7 градус.
«Йәкшәмбе, 15 мартта, республика биләмәһендә һауа шарттары боҙола – епшек ҡар, урыны менән ямғыр ҡатыш, ағастарға һәм тимер сымдарға епшек ҡар һырыуы, юлдарҙа тайғаҡ булыуы көтөлә, — тине синоптиктар. — Һауа температураһы төндә һәм көндөҙ — минус 1-ҙән плюс 4 градусҡа тиклем. Киләһе аҙнаның башында ла, 16 мартта, һауа торошо үҙгәрмәй. Һауа температураһы артабан түбәнәйә».
Галина Бахшиева
Читайте нас в