Миңлеғәле Шайморатовҡа Рәсәй геройы исеме бирелде

Легендар генерал, 112-се башҡорт атлылары дивизияһы командиры Миңлеғәле Шайморатовҡа Рәсәй геройы исеме бирелде. Был хаҡта бөгөн республика башлығы Радий Хәбиров "Facebook"та яҙып сыҡты.

«Тарихи ғәҙеллек тергеҙелде. Был хаҡта мин бала саҡтан хыяллана инем. 1958 йылда Семен Буденый яҙған мөрәжәғәттән башлап, был эш һәр саҡ тотҡарланып килде. Сәбәптәре төрлө булды. Иң мөһиме - Миңлеғәле Шайморатов - легендар командир, тормошо иң яҡшы фильмдар сценарийына торошло шәхес үлгәндән һуң Герой исеме алды», тип яҙған Радий Хәбиров.