Өйҙән сығырға ярамай!

Граждандар киҫкен ихтыяж булмаһа, йорттарынан сығырға тейеш түгел

Бөгөн, 31 март иртәһендә, Рәсәйҙең 26 төбәгендә граждандарҙың тулыһынса үҙ аллы изоляция режимы индерелде. Был сара коронавирус инфекцияһы таралыуын сикләү өсөн эшләнә.

Бынан алда ошондай сикләүҙәр Мәскәүҙә һәм Мәскәү өлкәһендә индерелгәйне. Рәсәй Хөкүмәте Премьер-минстры Михаил Мишустин ошо уҡ сараларҙы башҡа төбәктәрҙә лә ҡулланыуҙы кәңәш иттте.

“Стопкоронавирус.рф” сайты хәбәр итеүенсә, 30 марттың кисендә Адыгей, Коми, Марий Эл, Татарстан, (Саха)Яҡут, Чечня, Сыуаш республикаларының, Архангел, Вологда, Иркутск, Калининград, Мурманск, Новгород, Липецк, Рязань, Свердловск, Ульяновск, Белгород, Волгоград, Курск, Түбәнге Новгород һәм Һарытау өлкәләренең, шулай уҡ Санкт-Петербург ҡалаһының һәм Ленинград өлкәһенең үҙ аллы изоляция режимына күсеүе мәғлүм булды.

Дөйөм үҙ аллы изоляция режимын раҫлаған указға ярашлы, граждандар киҫкен ихтыяж булмаһа, йорттарынан сығырға тейеш түгел. Түбәндәге сәбәптәр булғанда ғына урамға сығырға мөмкин:

Ашығыс медицина ярҙамы талап ителгәндә, ғүмергә һәм сәләмәтлеккә хәүеф янағанда;

Эшкә барыу талап ителгәндә;

Йорт хайуандарын урамға сығарырға кәрәкһә (йорттан 100 метрҙан ары китергә ярамай);

Сүп-сар сығарырға;

Магазинға йә дарыуханаға барғанда.

Ошо уҡ режимды Башҡортостанда ла индерергә ниәтләйҙәр. Республика Башлығы Радий Хәбиров был йәһәттән муниципалитет башлыҡтарына һәм республика Хөкүмәте ағзаларына әҙерлек алып барырға, һәр яҡлап уйларға, ресурстар тупларға бойорҙо.

Фото: rbk.ru

Автор: Гүзәлиә Балтабаева

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1