Башҡортостанда Бөйөк Ватан һуғышы ветерандарына 25 мең һум түләнә

Республика Башлығы Радий Хәбиров ошондай указға ҡул ҡуйҙы. Бер тапҡыр түләнә торған пособие өсөн бюджеттан аҡса бүленә. Бөйөк Ватан һуғышы ветерандары һәм инвалидтары, концлагерь тотҡондарына – 25 мең һум, һуғышта һәләк булғандар туғандары һәм тыл хеҙмәтсәндәренә 5 мең һум түләнә.

Рәсәй Президенты Владимир Путин указы буйынса Бөйөк Еңеүҙең 75 йыллығы уңайынан һуғыш ветерандарына – 75 мең һум, ә тыл хеҙмәтсәндәренә 50 мең һум түләнә.