-28 °С
Ясно
Антитеррор
Все новости
Новости
4 Апреля 2020, 14:50

Ирекмәндәр өлкән йәштәге һәм мөмкинлектәре сикләнгән граждандарҙы ярҙамһыҙ ҡалдырмай

Граждандар тауар өсөн хаҡты чек буйынса иҫәпләшә

Активистар заявка буйынса уларға аҙыҡ-түлек, почта посылкаларын килтерә. Волонтерҙарға ҡытлыҡ булған район-ҡалаларҙа ярҙамға мәсет хеҙмәткәрҙәре лә ҡушылған.
Алыҫтан килгән посылка Өфө почта бүлексәһенән адресатына оҙатыла, әммә хаҡлы ялдағы ханым уны үҙе барып алыуҙан баш тарта. Хәйер, коронавирус пандемияһы осоронда өлкән йәштәге граждандар ирекмәндәр хеҙмәте менән файҙалана ала. Активистар ярҙамы аҙыҡ-түлек килтереү менән генә сикләнмәй, улар почта посылкаларын, мөһим документарҙы ла ташый.
Фатирға килтерелгән аҙыҡ-түлек, тауар өсөн хаҡлы ялдағы граждандар чек буйынса иҫәпләшә, юл хаҡын түләү талап ителмәй. Әммә кибеткә юлланған активистар өсөн продукцияның исемлеген, фирмаһын мөмкин тиклем теүәл аңлатырға кәрәк, сөнки бер үк тауарҙы төрлө предприятиелар етештерә. Әйтәйек, ябай тары ярмаһының ғына ла ике төрлө хаҡ, ҡиммәтле һәм арзаны булыуы ихтимал.
Коронавирус инфекцияһынан тәү сиратта өлкән йәштәгеләр зыян күреүе ихтимал, шуға ла ирекмәндәр айырыуса уларҙы һаҡларға тырыша.
Өфөлә һәм ҙур ҡалаларҙа ирекмәндәр һаны байтаҡ, сөнки тап үҙәктә йәмәғәт ойошмалары һәм сәйәси фирҡәләр эш алып бара, студенттар белем ала. Әммә ауылдарҙа һәм райондарҙа өлкәндәргә һәм мөмкинлектәре сикләнгән граждандарға ярҙам ойоштороу өсөн ирекмәндәр етмәй. Мәсьәләне хәл итеү өсөн Башҡортостан мосолмандары диниә назараты райондарҙағы мәсеттәрҙе йәлеп итәсәк. Иман йорттарында эшләүсе йөҙләп хәҙмәткәр ярҙамға килергә әҙер.
Ярҙамға ашыҡҡан ирекмәндәрҙе махсус кейемдәре, повязкалар аша танырға мөмкин. Изоляция осоронда ярҙамға мохтаж граждандар берҙәм телефон һандарына шылтырата ала.
Флорида Ким.
Читайте нас в