Рәсәйҙәргә «Үлемһеҙ полк» акцияһын өйҙән үткәрергә тәҡдим иттеләр

Рәсәйҙәргә 2020 йылдың 9 майында «Үлемһеҙ полк» акцияһын өйҙән үткәрергә тәҡдим иттеләр. Ойоштороусылар рәсми сайтта изоляция режимы бөтөрөлһә лә, урамдарҙа күп кеше ҡатнашлығындағы саралар уҙғарыуҙан йәки уларҙа ҡатнашыуҙан тыйылырға кәрәклеген билдәләне.

Бының урынына рәсәйҙәргә социаль селтәрҙә #Үлемһеҙполкөйҙә һәм #минеңполкымөйҙә хэштегтары менән атай-олатайҙарының, әсәй-өләсәйҙәренең тарихы тураһында яҙырға мөмкин. Алып барыусылар онлайн-трансляция аша Бөйөк Ватан һуғышында Еңеү яулаған, ләкин беҙҙең көндәргә тиклем йәшәй алмаған ҡаһармандарҙың тарихтарын күрһәтә.

Рәсәй Президенты Владимир Путиндың указы буйынса, изоляция тәртибе, шуның менән бергә эшләмәгән көндәр 30 апрелгә тиклем дауам итә. Башҡортостанда был режим әлегә 13 апрелгә хәтлем оҙайтылды.