Майҙа граждандарҙы оҙайлы байрам көндәре көтә.

Башҡортостанда, тотош Рәсәйҙәге кеүек үк, яңы коронавирус инфекцияһы хәүефе янауы сәбәпле, апрель эшләмәгән ай тип иғлан ителде. Ошо айҙан һуң майҙа граждандарҙы оҙайлы байрам көндәре көтә.

Хеҙмәт министрлығы мәғлүмәттәре буйынса, Яҙ һәм хеҙмәт байрамы һәм Бөйөк Еңеү көнө уңайынан һигеҙ көн ял була. Республикала йәшәүселәр биш көн рәттән – 1 майҙан 5-енә тиклем ял итә. Һуңынан 6 майҙан 8-енә хётлем — ҡыҫҡа эш аҙнаһы. 9-11 май — байрам көндәре. Өҫтәүенә 30 апрелдә һәм 8 майҙа эш көнө бер сәғәткә ҡыҫҡара.