Башҡортостанда изоляция ваҡытында диндарҙарға өйҙә ултырырға саҡыралар

Дини байрамдарҙа ла сикләү була. 10 көндән мосолмандар өсөн ураҙа тотоу башлана. Рамаҙан айы мосолмандар өсөн ҡайһы бер сикләүҙәр менән уҙғарыла. “Тәрәүих намаҙҙары һәм ифтарҙар үткәрелмәй – йолаларҙы өйҙә башҡарырға мөмкин. Был осраҡта мосолман ҡанундары боҙолмай”, - ти Башҡортостан мосолмандары Диниә назараты рәйесе Айнур Бирғәлин.

Православ динлеләрҙе лә сиркәүгә бармаҫҡа өндәйҙәр. Был йәкшәмбе Пасха байрамы үтә. Дини йоланы өйҙә үткәрергә тура килә. Башҡортостан митрополияһы башлығы Никон диндарҙарға ошондай мөрәжәғәт менән сыҡты.

Башҡортостанда изоляция тәртибе дауам итә. Ололар һәм балалар өсөн “комендант сәғәте” иғлан ителде. Коронавирус таралыуҙы сикләү өсөн халыҡҡа өйҙә ҡалырға кәңәш ителә.