9-сы кластар өсөн имтихандар теҙмәһе проекты әҙерләнде

Рәсәйҙең Мәғариф министрлығы, Мәғариф һәм фән өлкәһендә күҙәтеү буйынса федераль хеҙмәт туғыҙынсылар өсөн төп дәүләт имтихандары теҙмәһенең проектын әҙерләне. Уға ярашлы, төбәктәрҙә имтихандар 8 июндә башлана һәм июль аҙағына тиклем дауам итә.

«2020 йылда туғыҙынсы класты тамамлаусылар өсөн төп дәүләт имтиханы һәм дәүләт сығарылыш имтиханының төп осоро 8 июндән 31 июлгә тиклем уҙғарыла», — тип хәбәр итте «Интерфакс».

Бынан алда быйыл төп дәүләт имтиханы ике төп имтихан – рус теле һәм математика менән генә үткәрелеүе тураһында хәбәр ителгәйне. Туғыҙынсыларҙың һайлау буйынса имтихандары булмай.