Башҡортостанда егеттәрҙе армияға 20 майҙан оҙата башлайҙар

Яҙғы саҡырылыш барышында хәрби хеҙмәткә алыныусылар мотлаҡ коронавирусҡа тикшерелә. Бөгөн Республика Хөкүмәтендә оператив штаб ултырышында хәрби комиссар Игорь Харченко яҙғы саҡырылышты тәьмин итеү өсөн коронавирусты асыҡлауға 7 мең тест кәрәк булыуы тураһында белдерҙе.

Башҡортостанда быйыл яҙ 5 меңдән ашыу егетте армияға алыу планлаштырыла. Хәрби комиссиялар 6 майҙан эшләй башлай.