+10 °С
Болотло
Антитеррор
Баш
Рус
Бөтә яңылыҡтар
Новости
17 Июнь 2020, 18:45
Һайлау участкаларына шәхси һаҡланыу саралары килтерелә башланы
1 июлдә Рәсәйҙә ил Конституцияһына төҙәтмәләр буйынса тауыш биреү ойошторола.
Әле республиканың барлыҡ участка һайлау комиссияларына коронавирус инфекцияһы таралыуына бәйле тауыш биреү хәүефһеҙ үтһен өсөн шәхси һаҡланыу саралары килтерелә.
«Һеҙ әле үк ғариза бирә һәм тауыш биреү уңайлы булған участкаға беркетелә алаһығыҙ. Процедура өйҙә тауыш биреүҙе лә күҙ уңында тота. Участка һайлау комиссиялары ағзалары фатирға инмәй. Тауыш биреүселәргә ғариза бланкы, бирсәткә, ручка, антисептик салфетка тапшырыла. Участка һайлау комиссиялары ағзалары өсөн дә битлектәр, бирсәткәләр, антисептиктар, экрандар һатып алдыҡ», — тип һөйләне Башҡортостан Үҙәк һайлау комиссияһы рәйесе Илона Макаренко «Берҙәм Рәсәй» партияһының Конституцияға төҙәтмәләр буйынса тауыш биреүҙе ойоштороу буйынса сираттағы онлайн-лекторийында.
Уның һүҙҙәренсә, бюллетендә Конституцияға үҙгәрештәрҙе хуплайһығыҙмы тигән бер генә һорау була. Шуға күрә Үҙәк һайлау комиссияһы анкеталарҙы бер төн эсендә эшкәртергә һәм 2 июлдә үк тауыш биреү һөҙөмтәләрен алырға иҫәп тота.
Участкалар 25 июндән 1 июлгә тиклем эшләй. Һәр кемгә битлек, бирсәткә, ручка, антисептик бирелә. Ингән ерҙә аяҡ кейеме өсөн антисептик келәм түшәлә, бина елләтелә, ике сәғәт һайын эшкәртелә.
«Тауыш биреү юғары кимәлдә үтһен һәм кире эҙемтәләр булмаһын өсөн барыһын да уйланыҡ», — тине Илона Макаренко.
Лекторийҙа Башҡортостан Республикаһы Дәүләт Йыйылышы депутаты Римма Үтәшева өлкән йәштәгеләргә изоляция режимын боҙмаҫҡа һәм өйҙә тауыш бирергә тәҡдим итте.
https://
www.bashinform.ru/news/1462818-v-izbiratelnye-uchastki-bashkirii-nachali-postupat-sredstva-individualnoy-zashchity/
«Башинформ» мәғлүмәт агентлығы
Теги:
тауыш биреү
Читайте нас: