-26 °С
Болотло
Антитеррор
Бөтә яңылыҡтар
Новости
20 Июль 2020, 01:00

Белоретҡа ла ярҙам кәрәк

Цюрупа урамы, 17-се йорт алдында 12.30 сәғәттә йыйылыу ҡаралған.

Ҡыҙғанысҡа ҡаршы, Бөрйән генә түгел, Белорет районында ла урмандар яна. Әлеге ваҡытта республиканың Урман хужалығы министрлығынан хәбәр итеүҙәренсә, бында Ҡыраҡа һырты яна. Был урын таулы-ҡаялы, шуға күрә янғын һүндереү техникаһына барып етеүе бик ауыр. Янғынға ҡаршы төп эш ҡул көсө менән башҡарыла: урман янғын һүндереүселәре һәм йәлеп ителгән кешеләр уны һүндерә. Бөгөн янғында 70 самаһы кеше һәм 18 берәмек техника эшләй. Ҡеүәтле бульдозерҙар янғынға ҡаршы барьерҙар һөрә. Дүрт янғын автомобиле һәм алты бәләкәй урман патруле комплексы һыу ташый.
Рәсәй Ғәҙәттән тыш хәлдәр министрлығының Башҡортостан буйынса Баш идаралығынан хәбәр итеүҙәренсә, янғын райондың Ҡаһарман ауылына яҡын. Ауылды уттан һаҡлау өсөн даими дежур ойошторолған. Ауыл тирәләй минераллаштырылған һыҙаттар әҙерләнгән. Шулай уҡ урман менән ауыл араһында тәбиғи кәртә – Ағиҙел йылғаһы бар. Янғын Ҡаһармандан алты километр алыҫлыҡта.
Урмансыларға ут менән көрәшеү өсөн ярҙам кәрәк. Шуға күрә “Берҙәм Рәсәй” сәйәси партияһының төбәк башҡарма комитеты ҡарамағындағы “Беҙҙең хәстәр” линияһы буйынса ирекмәндәр туплау бара. Иртәгә Цюрупа урамы, 17-се йорт алдында 12.30 сәғәттә йыйылыу ҡаралған. Ирекмәндәрҙе Ҡаһарман ауылына алып барасаҡтар. Кешеләрҙе һайлап алыу, инструктаж үткәреү һәм урында эшләү өсөн Өфөлә Александр Толстых (+7-961-358-04-67) һәм Белорет районында һәм Ҡаһарман ауылында Андрей Иванюта (8 -917-793-61-80) яуаплы. Ярҙам итергә әҙер кешеләр булһа, шылтыратығыҙ. Алып барыу, ашатыу һәм яҡланыу саралары менән тәьмин итеүҙе “Беҙҙең хәстәр” үҙәге дирекцияһы үҙ өҫтөнә ала.
Фото: Рәсәй Ғәҙәттән тыш хәлдәр министрлығының БР буйынса идаралығы..
Автор: Альфия Мингалиева
Читайте нас в