-8 °С
Облачно
Антитеррор
Все новости
Новости
30 Июля 2020, 16:18

Ғәҙәттән тыш хәлдәрҙән һаҡлау тураһында

Республика законына төҙәтмәләр көсөнә инде

Башҡортостанда «Халыҡты һәм биләмәне тәбиғи һәм техноген характерҙағы ғәҙәттән тыш хәлдәрҙән һаҡлау тураһында» республика законына төҙәтмәләр көсөнә инде. Атап әйткәндә, Дәүләт Йыйылышы – Ҡоролтай вәкилдәре хәүефле сирҙең таралыуын ғәҙәттән тыш хәл төшөнсәһенә индерҙе.
«Хәҙер авария, һәләкәт йәки хәүефле тәбиғәт күренеше генә түгел, ә хәүефле ауырыу таралыуға ла бәйле ғәҙәттән тыш хәл иғлан ителеүе ихтимал. Законда пандемия шарттарында республика власть органдарының вәкәләттәре аныҡланды. Юғары әҙерлек йәки ғәҙәттән тыш хәл тәртибен индергәндә улар үҙ-үҙеңде тотоу ҡағиҙәләрен билдәләй, республика биләмәһендә бөтә граждандар һәм ойошмалар уларҙы үтәргә бурыслы», — тип билдәләне Башҡортостан парламенты рәйесе Константин Толкачев.
Башҡортостан Дәүләт Йыйылышы рәйесе һүҙҙәренсә, яңы коронавирус инфекцияһы көтөлмәгән саҡырыу булды.
«Ҡануниәттә ошондай күләмдәге эпидемия барлыҡҡа килгән осраҡҡа эш итеүҙәр ҡаралмағайны. Хәҙер беҙҙең бындай осраҡта эш итеү тәжрибәһе бар. Закондар сығарыу базаһын яңы ысынбарлыҡҡа тап килтерергә кәрәк», — тине Константин Толкачев.
«Башинформ» мәғлүмәт агентлығы
Читайте нас в