Быйыл Башҡортостандың һыу объектарында 95 кеше, шул иҫәптән, 5 бала һәләк булған

Сәбәбе йыһазландырылмаған урындарҙа, иҫерек хәлдә һыу инеү

Фажиғәләрҙе иҫкәртеү маҡсатында ғәҙәттән тыш хәлдәр министрлығы хеҙмәттәре даими рейдтар ойоштора. Сираттағы профилактик сараны БСТ каналы хәбәрселәре күҙәтте.

Ағиҙелдә балыҡ тотоусы ҡотҡарыусылар иҫкәртеүенә башта ҡолаҡ һалмаһа ла, хәүефһеҙлек тураһында аңлатмаларҙы ишеткәс, ҡотҡарыу жилеты алып ҡуйырға һүҙ бирә. Белгестәр балыҡсыға иҫкәрмә тапшыра.

Ә бына ял итергә сығыусылар һыу инеүҙе тыйыусы билдәләрҙе бөтөнләй инҡар иткән. Ә бит тап ошо ерҙә быйыл 2 оло йәштәге кеше һәм бер бала һәләк булған. Ғөмүмән, Башҡортостанда июль айында ғына һыуҙа батып үлеүселәр һаны буйынса антирекорд күҙәтелә. Белгестәр бының сәбәбен йыһазландырылмаған урындарҙа, иҫерек хәлдә һыу инеүҙә күрә.

Артабан рейдты ойошторусыларға йылғала кәмәлә ағыусы ғаилә тап була. Ошондай ял ойошторор өсөн, махсус теркәү үтергә кәрәк, ти белгестәр. Был сәйәхәтселәр менән бәйләнеш юғалған саҡта, хеҙмәттәр билдәле маршрут буйынса эҙләү-ҡотҡарыу саралары ойошторһон өсөн мөһим.

Йыш балыҡ тотоусылар тәбиғәт ҡосағында иҫерткес эсемлектәр эсә. Был иң ҙур проблема. Фажиғәләргә юл ҡуймау маҡсатында махсус хеҙмәттәр рейдтар үткәрә.

Вилдар Шәрипов, ғәҙәттән тыш хәлдәр министрлығының Башҡортостан буйынса баш идаралығы бүлеге белгесе

Бындай профилактик сараларҙы ҡотҡарыусылар көн һайын ойоштора. Халыҡҡа иҫкәртмәләр тапшырыла, аңлатыу эштәре алып барыла, көнөнә 3 тапҡыр мегафондан хәүефһеҙлек кәңәштәре бирелә. Тикшереүҙәр даими рәүештә үткәрелеүгә ҡарамаҫтан, ярамаған урындарҙа һыу инергә теләүселәр, хәүефһеҙлек сараларын үтәмәй балыҡ тотоусылар һаны кәмемәй.

Закон боҙоусылар инде административ яуапҡа тарттырыла. Ҡотҡарыу хеҙмәттәре граждандарҙы үҙ һәм башҡаларҙың һаулығы, ғүмере өсөн яуаплы булырға, законға һәм хәүефһеҙлек талаптарына ярашлы ял ойошторорға саҡыра.

Читайте нас:

Зарегистрировано Управлением Федеральной службой по надзору законодательства в сфере связи, информационных технологий и массовых коммуникаций по Республике Башкортостан. Свидетельство о регистрации СМИ: ПИ №ТУ02-01350 от 09 июля 2015 г.

Директор (баш мөхәррир) Татьяна Анатольевна Сәғәҙиева

Телефон

(347)68 3-28-50

Адресы

453400, Республика Башкортостан, г. Давлеканово, ул. Тукаева, д. 1