Иҫерек водителдәрҙе телеэкрандан күрһәтергә!

Республика хөкүмәтендә үткән оператив кәңәшмәлә Башҡортостан Башлығы шулай тип белдерҙе. Үткән аҙнала автоинспекторҙар 224 эскән водителде ҡулға алған. “Бындай шоферҙарҙы халыҡҡа танытыу ыңғай һөҙөмтә бирер”, - тигән фекерҙә Дәүләт Йыйылышы – Ҡоролтай депутаты Зәки Әлибаев.

“Экранда күренһә, үҙенә оят, башҡа водителдәргә һабаҡ”, - ти автоэксперт Хәлим Әйүпов.

Йыл башынан Башҡортостанда 2 меңгә яҡын юл-транспорт ваҡиғаһы теркәлгән. Аварияларҙа 200-ҙән ашыу кеше һәләк булған.