Хәмер һатыусылар ҡулға алынды

Стәрлетамаҡта тәртип һаҡлау органдары 28 йәшлек ир һәм уның 7 ярҙамсыһын ҡулға алды. Был төркөм законһыҙ алкоголь етештереү менән шөғөлләнгән. Цех 16 гараж боксын биләгән. Ағыу тотош республикаға таратылған. Полиция хеҙмәткәрҙәре 4 мең литр ялған спирт, төрлө араҡыларҙың этикеткаларын, этил спирты өсөн 58 канистр тартып алған.

Оператив хеҙмәткәрҙәр йәшерен бизнестың 2013 йылдан бирле эшләп килеүен фаразлай. Ҡулға алыныусылар ғәйебен таныған. Енәйәт эше ҡуҙғатылған.

Рафиҡ Әхмәтшин.